Մեր մասին
Ձեր և մեր հաջող ճամփորդությունը սկսվել է 1999 թվականին
Ակվատուս-ի հիմնադիրները լինելով տեխնիկական մտածելակերպի մարդիք սկսեցին հարցի ճիշտ սահմանումից։
Իսկ հարցը տարրական է – ի՞նչ է որակը։ Կան բազմաթիվ ձևակերպումներ։ Անկասկած մեզանից յուրաքանչյուրն ունի իր պատկերացումը։ Մեծ մասամբ դա էմոցիոնալ կամ լիրիկական սահմանումներ են։ Բայց մերը շատ պարզ է և հստակ։
- Որակը դա ապրանքի կամ ծառայության ունակությունն է բավարարել իր հանդեպ սպառողի մոտ ձևավորված սպասումները։
Այս գաղափարախոսությամբ սկսվեց լողավազանների եվ շոգեբաղնիքների կառուցումը եվ դրանց մշակույթի ներդրումը Հայաստանյան իրականություն։ Հաջողվե՞ց, եթե դուք Հայաստանում որևէ հանրային օլիմպիական լողավազանում եղել եք ապա դուք օգտվել եք մեր կառուցած լողավազանից։
Gold’s Gym 50 մետրանոց օլիմպիական լողավազան, Grand Sport լողավազան, Թուֆենկյան ընկերության լողավազանները, Անի Պլազա հյուրանոցի լողավազան, Էրեբունի Պլազա հյուրանոցի լողավազան, Մետրոպոլ հյուրանոցի լողավազան, Դիլիջանի միջազգային դպրոցի լողավազան և ուրիշ խոշոր ընկերություններ:
Ջրային սպորտաձևերի, հանգստի և ժամանցի մշակույթը զարգացնելու և դրա պահանջարկը բավարարելու համար մենք սկսեցինք համագործակցել այդ բնագավառի առաջատարների հետ՝ Harvia, Renolit Alkorplan, Pahlen, CTX, IML, Astral․․․
Համագործակցություն Mapei-ի հետ
Լողավազանների բնագավառում հաջողությամբ և բարձրակարգ ծառայությունների հանդեպ մեծ պահանջարկով ոգեվորված Ակվատուսը շարունակեց կիրառել հաջողված բանաձևը շինարարական քիմիայի բնագավառում։ Սկսվեց համագործակցությունը Mapei-ի հետ։ Այս բեղմնավոր գործընկերությունը հնարավոր դարցրեց ազգային արժեք հանդիսացող տաճարների միջազգային չափանիշներով գրագետ վերակառուցումները։
Մեր ճարտարապետների գործիքակազմում հայտնվեցին դեկորատիվ ցեմտային ծածկույթները, ջրամեկուսացման եվ սալիկապատման բնագավառում վերջապես հայտնվեցին համակարգային մոտեցումներ և համալիր լուծումներ՝ եվրոնորմերին համապատասխան աշխատանքների իրականացման համար, իսկ բետոնի արտադրությունը մեղմ ասած հեղափոխվեց։
Այս գործընթացը շարունակվում է և ընթանալու է այնքան քանի դեռ ձեր մեջ կա ավելի լավը, ավելի երկարակյացը, ավելի անվտանգը և էկոլոգիապես մաքուրը ունենալու ցանկությունը։
Վստահություն, կայունություն և զարգացում այս արժեքների վրա հենվելով մենք անխափան աճով վերապրեցինք 90-ականներից մինչ օրս բոլոր ցնցումները։ Տնտեսական գլոբալ կոլափսներ, տարածաշրջանային աղետներ, պանդեմիա և անկոտրում պատրաստ ենք առերեսվել գալիք մարտահրավերներին։ Բարդությունները կոփեցին Ակվատուսի կապը իր ընտանիք դարձած թիմի, հուսալի և հավատարիմ գործնկերների միջև։
Ակվատուս՝ վինիլային հատակներ, տեքստիլ ծածկույթներ, դեկորատիվ էլեմենտներ
Ամեն ինչ դեռ նո՞ր է սկսվում ՞ անշուշտ, Վերջին երեք տարիների ընթացքում Ակվատուսը մուտք գործեց և կայացավ վինիլային հատակների, տեքստիլ ծածկույթների, դեկորատիվ էլեմնտների շուկայում։ Սկսվեց համագործակցություն այնպիսի գլոբալ հսկաների հետ ինչպիսիք են IVC group, Fatra, Lamelio, Laveo, Sanela:
Հարգանքներով՝ Ակվատուսի թիմ
ԳՈՐԾԸՆԿԵՐՆԵՐ
